好耐好耐無寫過blog,原因都係懶囉~~


大半年,發生左好多事.....
lee幾個月大部分時間都好清閒,原因係等緊新既工作,但係唔知要等到幾時....

月頭我生日,爺爺比利是我既時候同我講:你快d結婚啦,我而家仲行得,再遲d我行唔到,要坐輪椅黎睇你出嫁就失禮人啦....
當時我心酸左一下,係喎,爺爺今年已經84歲,佢應該好想係佢有生之年睇到我出嫁,我麻麻睇唔到我出嫁,我已經好遺憾,我唔想再有多一個遺憾.

生日果晚,我爸爸打比我,佢年年都記得我舊曆生日,講左幾句,佢問:點呀你,幾時結婚?都咁多年啦,唔好拖咁耐.我話,結婚要洗錢,我地有計劃架啦,唔好擔心,佢就話:你地d人就係咁,好自私,成日就諗自己,無理過人.
我知道佢咁講既意思係佢都擔心爺爺會睇唔到我出嫁.

但係,結婚唔係我一個人既事,我地係有結婚既打算,但其實未有時間表,而且,我唔想迫我男朋友,我想自然d.

到今日,男朋友打比我,話星期日佢公公生日,要去食飯,佢媽媽叮囑佢,趁公公仲認得你既時候,比幾百蚊公公,等佢開心下.
我聽到,個心一沈.....原來,佢公公開始唔認得人.

其實,我地係咪真係要快d結婚呢?